Anderrek iragarkietako testuak, testu juridiko eta ekonomikoak itzultzen ditu batez ere Espainia eta Alemaniaren arteko harreman komertzialak dituzten enpresentzat. Bezero berriak lortzeko moduko irudia zuen helburutzat, eta emaitza irudi sendo bat izan da, nazioarteko nortasuna duena.
Grafiko / Editorial
Egiburu Jatetxea
Egiburuko gure lagunek beren tabernako papeleria diseinatzeko eskatu ziguten, irudi berri modernoago eta gertukoago bat bilatuz. Txartel berriak egin genituen, kartak, txapak, imanak bezeroei oparitzeko eta baita webgune bat ere: bertan ematen dute beren kartaren, menu ezberdinen, antolatzen dituzten festen eta jatordu berezien berri.
TKgune
Lanbide Heziketako eskolek osatzen duten sarea da eta bezeroaren eskura jartzen ditu bere azpiegitura eta ezagutzak. Gure estudioan Tkgune proiektuaren marka eta azpimarkaren diseinuaz arduratu gara. Bertako zerbitzu eta proiektuak xehetasunez ezagutzera ematek, zerbitzuen katalogoa paperean eta web korporatiboa egin ditugu.
Armeria Eskola
Eibarko Lanbide heziketako eskolako matrikulazio kanpainaren komunikazioa. Gradu bakoitzeko sustapenerako bideoen grabazio eta edizioa, enpresentzako flayer eta liburuxken diseinua eta irratia eta prentsa bezalako komunikabideen gestioa.
Lex Pugna
Izen gaztea eta aldi berean esperientziaduna, pertsonei zerbitzua emateko bokazio erabatekoarekin. Markaren balioak honakoak dira: bikaintasuna, arazoen ebazpena, prestutasuna eta leialtasuna. Balio horiek helarazteko, irudi korporatiboa ikuspuntu geometriko batetik landua izan da, formen konposizioaren bidez harreman estrukturatu eta egonkor bat eraikiz, Lex Pugnak bere bezeroekin duen konfiantzazko eta konpromisozko harremana ikusarazteko.
Ideatk
Ideatkren helburuak ondorengoak dira: Irakasle eta ikasleen sormen gaitasuna sustatzea, teknologia berrien bidez ideiak gauzatzeko espazioak sortzea eta inguru sortzaile berrietan ekintzailetza sustatzea. Markaren irudia sortu dugu eta baita nortasun korporatiboaren eskuliburua ere. Ikasle zein irakasleentzat laguntza tresna gisa, gida bat diseinatu eta maketatu dugu. PDF interaktiboa da, orrialdeetan erreztasunez mugitzeko nabegatzeko botoiak ditu eta zenbait edukietan ere irakurlearekin interaktibitatea landu dugu.
Wood & Nika
Helburua, produktuak ezagutzeko eta eskuratzeko aukera helaraztea izan da, bai naturarekiko plazera detaile txikietan sentitzen duten norbanakoei edo merchandaising berezi bat egin nahiko luketen enpresei. Emaitza honako e-commerce eta katalogoa izan da, non estilo garbi bat mantentzen den, argazki baten bidez produktua bezeroengana gerturatzeko, denda erreal bat balitz bezala.
Meka
Markaren irudiaren diseinua eta hedatze grafikoa Elgoibarren liderra den lanbide heziketako zentroarentzat. Prestakuntza eskaintza zabala du automobilgintzan, mekanikan eta administraritzan.
Ekingune
Ekingunek elkarlana, jakintzaren trukea eta iniziatiba berrien garapena interpretatzeko modu berri bat dakar. Tresna berritzailea da, irakasleriaren, ikasleriaren eta ekintzailetzako profesionalen ezagutza partekatuak biltzen dituena. Gu ere komunitateko enpresen sarearen parte gara. Jarraian diseinatu genuen azken kartela duzue ikusgai, programa honetan parte hartzen duten Lanbide Heziketako zentro guztietan ekintzailetzaren inguruan antolatzen den hilabeterako.
Ikuspe calendars
Urtero bezela, egutegi desberdina egitea da gure helburua. Tinta bakarrean inprimaturikoa eta verjurado paperakin, ukimenarekin ere sentsazioak eta gertutasuna transmititzeko. Erabiltzeko moduan askatasuna bilatu diogu egutegiari, pintza txiki batekin nahi dugun forma emango diogu gure bulegoan edo mahai gainean jarri ahal izateko. Guztiz tolesten badugu ere poltsikoan edo edozein lekutan gorde daiteke. Aukera asko ematen duen egutegia dugu eta oso pozik gaude emaitzarekin!